Futbol bo‘yicha Italiya Kubogi finalida “Napoli” va “Yuventus” jamoalari 17-iyun, chorshanba kuni o‘zaro bahs yuritdi.
Foto: Twitter
Uchrashuv teng kurashlar ostida o‘tdi, biroq jamoalar 90 daqiqa davomida darvoza tomon yo‘l topa olmadi. Asosiy vaqtda g‘olib nomi aniqlanmagach, penaltilar seriyasiga murojaat qilindi. Futbol lotoreyasida omad “Napoli”ga kulib boqdi va jamoa o‘z tarixida oltinchi marta Italiya Kubogiga ega chiqdi.
Finalga qadar Jennaro Gattuzo shogirdlari “Peruja”, “Latsio” va “Inter”ni musobaqadan chiqarib yuborgandi.
Italiya Kubogi
Final bahsi
17-iyun, chorshanba
“Napoli” — “Yuventus” 0:0 (penalti — 4:2)
“Napoli”: Meret, Di Lorenso, Maksimovich, Mariu Ruy (Hyusay, 81), Kulibali, Fabian Ruis (Allan, 80), Demme, Insinye, Zelinski (Elmaz, 88), Kalyexon (Politano, 66), Mertens (Milik, 67).
“Yuventus”: Buffon, de Ligt, Aleks Sandro, Bonuchchi, Pyanich (Bernardeski, 74), Kuadrado (Remzi, 85), Duglas Kosta (Danilo, 66), Matyuidi, Bentankur, Ronaldu, Dibala.
Ogohlantirishlar: Bonuchchi (51), Mariu Ruy (77), Dibala (83).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
