УЕФА ижроқўми Евро—2020 мусобақасининг плей-офф ўйинлари ва Миллатлар Лигаси 2020/21 йилги мавсуми саналарини маълум қилди.
2020 йилнинг октябрь ва ноябрь ойларидаги ФИФА кунларида терма жамоалар одатга кўра иккита эмас, учтадан учрашув ўтказади.
Бу Европа чемпионатига йўлланма берувчи плей-офф ўйинларини 8 октябрь ва 12 ноябрда ўтказиб олиш имконини беради.
Миллатлар Лигаси 2020/21 йилги мавсумининг гуруҳ босқичи ўйинлари 2020 йилнинг 3-4-5 ва 6-7-8 сентябрь, 10-11 ва 13—14 октябрь, 14-15 ва 17—18 ноябрь кунлари бўлиб ўтади. Тўлиқ тақвим кейинроқ эълон қилинади.
Европа терма жамоалари 7—8 октябрь ва 11—12 ноябрь кунлари ўртоқлик ўйинлари ўтказиши мумкин.
Эслатиб ўтамиз, коронавирус сабаб Евро—2020 мусобақаси 2021 йилнинг ёзига қолдирилган.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)