Футбол бўйича Европа Чемпионлар Лигаси ва Европа Лигаси мусобақаларининг 2020/21 йилги мавсуми формати ҳамда ўтказилиш саналари маълум бўлди. Бу ҳақида УЕФА эълон қилди.
Мусобақалар гуруҳ босқичи йўлланмаси учун кечадиган саралаш баҳслари икки ўйиндан эмас, бир учрашувдан иборат бўлади. Чемпионлар Лигасининг плей-офф раунди бундан мустасно.
Бир ўйинлик босқичлар мезбони қуръа ёрдамида аниқланади.
Маълум бўлишича, Еврокубоклар келаси мавсуми финал босқичи октябрь ойининг иккинчи ярмидан старт олади.
2020/21 йилги мавсум саралаш ўйинлари ва гуруҳ босқичи тақвими билан танишинг:
Чемпионлар Лигаси—2020/21:
– Дастлабки босқич: 8—11 август
– Биринчи саралаш босқичи: 18—19 август
– Иккинчи саралаш босқичи: 25—26 август
– Учинчи саралаш босқичи: 15—16 сентябрь
– Плей-офф босқичи: 22-23 ва 29—30 сентябрь
– Гуруҳ босқичи: 20-21 ва 27—28 октябрь, 3-4 ва 24—25 ноябрь, 1-2 ва 8—9 декабрь.
Европа Лигаси—2020/21:
– Дастлабки босқич: 20 август
– Биринчи саралаш босқичи: 27 август
– Иккинчи саралаш босқичи: 17 сентябрь
– Учинчи саралаш босқичи: 24 сентябрь
– Плей-офф босқичи: 1 октябрь
– Гуруҳ босқичи: 22 ва 29 октябрь, 5 ва 26 ноябрь, 3 ва 10 декабрь.
Кейинги босқичлар тақвими ўзгармай қолди.
Чемпионлар Лигаси мусобақасининг гуруҳ босқичига қуръа ташлаш маросими 1 октябрь куни Афинада бўлиб ўтади. Европа Лигасига эса 2 октябрда қуръа ташланади.
Мавзуга доир: Расман: УЕФА Чемпионлар Лигаси жорий мавсуми қай тартибда давом эттирилишини эълон қилди
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)