Футбол бўйича Италия Кубоги финалида «Наполи» ва «Ювентус» жамоалари 17 июнь, чоршанба куни ўзаро баҳс юритди.
Учрашув тенг курашлар остида ўтди, бироқ жамоалар 90 дақиқа давомида дарвоза томон йўл топа олмади. Асосий вақтда ғолиб номи аниқланмагач, пенальтилар сериясига мурожаат қилинди. Футбол лотореясида омад «Наполи»га кулиб боқди ва жамоа ўз тарихида олтинчи марта Италия Кубогига эга чиқди.
Финалга қадар Женнаро Гаттузо шогирдлари «Перужа», «Лацио» ва «Интер»ни мусобақадан чиқариб юборганди.
Италия Кубоги
Финал баҳси
17 июнь, чоршанба
«Наполи» — «Ювентус» 0:0 (пенальти — 4:2)
«Наполи»: Мерет, Ди Лоренцо, Максимович, Мариу Руй (Ҳюсай, 81), Кулибали, Фабиан Руис (Аллан, 80), Демме, Инсинье, Зелиньски (Элмаз, 88), Кальехон (Политано, 66), Мертенс (Милик, 67).«Ювентус»: Буффон, де Лигт, Алекс Сандро, Бонуччи, Пьянич (Бернардески, 74), Куадрадо (Рэмзи, 85), Дуглас Коста (Данило, 66), Матюиди, Бентанкур, Роналду, Дибала.
Огоҳлантиришлар: Бонуччи (51), Мариу Руй (77), Дибала (83).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)