«Дарё» ўтиб бораётган ҳафтанинг қизғин баҳсларига сабаб бўлган твитларни диққатингизга ҳавола этади.

«АҚШда Жорж Флойднинг ўлими ортидан полиция бюджетини қисқартиришни талаб қилаётганларга АҚШ президентининг жавоби: ‘Аксар демократлар полиситя бюджетини кесишни ва полиция бўлинмаларини тугатишни хоҳлашмоқда. Қандай ақлсизлик!’», –  Дональд Трамп, АҚШ президенти.

«Азалдан инсонлар бир хил. Кимсасиз бир ерда адашиб қолдингиз ва тўсатдан сиз томонга келаётган кимсага кўзингиз тушди. Унинг ирқи, миллати ёки дини ҳақида ўйлаб ўтирмайсиз. Унга дуч келганингиздан қувонасиз», – Далай лама, Тибет буддистлари раҳнамоси.

«АҚШ давлат котиби Майк Помпеонинг АҚШ ва Хитойни таққослаши: АҚШ ва Хитойни таққослаб бўлмайди. Бизда қонун устуворлиги мавжуд, Хитойда эса мавжуд эмас. Бизда сўз эркинлиги бор, Хитойда йўқ. Бизда диний эътиқод эркинлиги ҳимоя қилинган, Хитой эса кўп йиллардан бери бошқа динларга қарши курашиб келади. Хитой қаттиққўллик билан коммунизмни тарғиб қилади, АҚШ эса эркинликни ҳимоя қилади».

«15 июнь Озарбайжон халқининг мустақиллик байрами. Озарбайжонлик қардошларимизга Туркиядан саломлар», – Биноли Йилдирим, Туркия адолат ва тараққиёт партияси раҳбари.

«Полиция тарафидан ўлдирилган Жорж Флойднинг 6 ёшли қизчаси актриса Барбара Стрейзанд туфайли Disney компаниясининг акциядори бўлди», – CNN янгиликлар нашри.

«Лондон ҳокими лондонликларга эслатма билан мурожаат қилди: лондонликлар, бугундан бошлаб жамоат транспортидан фойдаланганингизда ниқоб тақиб юришингиз шарт», – Содиқ Хон, Лондон шаҳри ҳокими.

«Ким қанча ядро қуролига эгалик қилади?

Қуролланишни тадқиқ қилувчи институт баҳолашича, 2019 йилда ядро қуроллари миқдори камайганига қарамасдан, дунёда 2020 йил январь ҳолатига кўра, ҳамон 13 400 дона ядро қуроллари сақлаб келинмоқда. Бу қуролларнинг аксари АҚШ ва Россияга тегишлидир», – RFE/RL.

«Кеча Филиппинда Мариа Ресса журналистик фаолияти учун қамоққа ташланди. Амал Клунининг бошқа журналистларга юборган номасида жон бор: ‘Сукут сақланг, акс ҳолда сиз навбатдаги маҳкум бўласиз’. Матбуотга қарши қаратилган ҳужумларга қарши туришимиз шарт. Бу ҳужумлар демократияга қарши қаратилган», – Ҳиллари Клинтон.

«Француз Гвианаси, Майоттада коронавирусга чалинганларга ғамхўрлик қилаётганлар учун тестлар ва ҳимоя воситалари етишмаяпти. Бу ақл бовар қилиб бўлмас ақлсизлик. Ҳукумат бу инқирозга қарши курашишда аввал бошиданоқ ҳеч нарса қила олмаслиги маълум эди. Мамлакатимиздаги ҳар бир шахснинг ҳаёти қадрли», – Марин Ле Пен, франциялик сиёсатчи, «Миллий фронт» партияси етакчиси.

«Европа Иттифоқи қайта очилмоқда, бироқ ҳамма соҳаларда бўлгани каби, янги статус кво айнан эски даврлардагидек бўлмаслиги аниқ», – Матина Стювис Гриднеф, The New York Times нашрининг Европадаги мухбири.

«Инглиз тилидаги candy сўзи куб шаклидаги шакар маъносини берувчи форс тилидаги «қанд » сўзидан келиб чиққан. Ҳар куни ғарбча жаранглайдиган лимон, тамаринд – ҳинд хурмоси, писта, унаби (хитой хурмоси) – буларнинг барчаси форс тилида пайдо бўлган сўзлардир», – Алекс Шамс, Антропология соҳаси тадқиқотчиси.

«Жаҳон банки гуруҳининг вице-президенти ва етакчи иқтисодчи мутахассиси фаолиятини бошлашдан хурсандман. Бугун мени илиқ кутиб олганингиз учун раҳмат Жаҳон банки», – Кармен Рейнхардт, Жаҳон банки етакчи мутахассиси.

Ишловчилар ўз ишларидан қониқиш ҳисси қилишнинг мамлакатлар тақисомотидаги фоизи:

Ҳиндистон – 89 фоиз;

Мексика – 85 фоиз;

Туркия – 80 фоиз;

АҚШ – 78 фоиз;

Испания – 77 фоиз;

Бразилия – 74 фоиз;

Канада – 74 фоиз;

Хитой – 74 фоиз;

Буюк Британия – 74 фоиз;

Малайзия – 73 фоиз;

Германия – 71 фоиз;

Австралия – 70 фоиз;

Италия – 69 фоиз;

Франция – 68 фоиз;

Япония – 42 фоиз.

Workmonitor сўровларидан олинди.

«Жамият ва иқтисод яна оёққа тураётганини кўриш юракка завқ бағишлайди. Тез орада қовоқхоналар ҳам очилади, ресторан ва кафелар аллақачон иш бошлади. Оилалар қайта бирлашмоқда. Икки ой олдинги вазиятни бугун билан таққосланг. Биз бу ерга узоқ йўл босиб келдик, аммо инсонларни бой берганимиз асосий фожиамиз», – Кароль Сикора, британиялик онколог олим.

«Ўзбекистонлик Олий Мажлис депутати, ‘Адолат’ партияси аъзоси Гулруҳ Агзамова андижонлик ватандош ички ишлар қийноғи сабаб вафот этиши юзасидан кескин чиқиш қилди. У 2005 йилдаги Андижон воқеаларини муҳокама қилди. Ички ишлар вазирлиги ходимларини жазолашнинг ўзи етарли эмаслиги ҳақида гапирди ва тизим чуқур ислоҳотлар амалга оширилиши кераклигига ишора қилди», – Жен Муртазашвили, Питцбург университети профессори.

Жаҳонгир Эргашев тайёрлади.