Германия Бундеслигасининг 32-туридан ўрин олган учрашувда «Бавария» Бременда «Вердер» меҳмони бўлди ва 1:0 ҳисобида ғалаба қозонди.
Мюнхен клуби чап қанот ҳимоячиси Альфонсо Дэвис ушбу учрашувда соатига 36,51 километр тезликда югурди ва Бундеслиганинг янги рекордини ўрнатди.
Қайд этиш жоиз, Бундеслига футболчиларининг максимал тезлиги тўғрисидаги маълумотлар 2013/14 йилги мавсумдан бошлаб тўпланиб келинади. Бундан аввалги энг юқори натижа «Боруссия Дортмунд» ҳимоячиси Ашраф Ҳакимига (36,49) тегишли эди.
Эслатиб ўтамиз, аввалроқ Дэвис мухлислар эътирофига кўра май ойида «Бавария»нинг энг яхши ўйинчиси деб топилган эди.
Маълумот учун, «Бавария» 19 ёшли канадалик футболчини 2018 йилда 14 миллион евро эвазига сотиб олган. У жорий мавсумда Бундеслигада 28 та ўйин ўтказиб, ўз ҳисобига 3 та гол ва 5 асист ёздириб қўйган. Унинг клуб билан шартномаси 2023 йилгача амал қилади.
Мавзуга доир:
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)