«Барселона» ҳужумчиси Лионель Месси Испания Ла Лигаси доирасидан ўрин олган «Леганес»қа қарши уй учрашувида (2:0) пенальтидан фойдаланиб, мусобақа тарихида ушбу кўрсаткич бўйича иккинчи ўринга кўтарилиб олди, дея хабар беради Opta.
Шу тариқа Месси ўзининг Ла Лигадаги 56-пенальтисини голга айлантирган ҳолда, «Реал» ва «Атлетико» собиқ ўйинчиси Уго Санчесга етиб олди. Ушбу кўрсаткич бўйича пешқадам эса «қироллик клуби»нинг яна бир собиқ ўйинчиси — Криштиану Роналду, унинг ҳисобида 61 та пенальтидан урилган гол бор. Шу билан бирга, Роналду Испания чемпионатида 262 та ўйин ўтказган бўлса, Месси Ла Лига доирасида 476 та учрашувда майдонга тушган.
Ушбу мавсумда Лионель Месси барча мусобақаларда 33 та ўйинда иштирок этиб, 26 та гол урди ва 18 та голли узатмани амалга оширди.
«Барселона» 29-турдан кейин 64 очко тўплаган ҳолда, мусобақа жадвалини бошқариб турибди, кучли учликни эса «Реал» (59) ва «Севилья» (51) якунлаган. Мадрид клуби 29-турда «Валенсия» қарши майдонга тушади. Учрашув 18 июнь, пайшанба куни бўлиб ўтади.
Мавзуга доир:
- Месси фаолиятидаги 699-голини урди. Фаолиятини давом эттираётган футболчилар орасида ундан кўпроқ гол урган фақат бир футболчи бор
- Лионель Месси Ла Лиганинг кетма-кет 12 мавсумида 20 ва ундан ортиқ гол урган илк футболчига айланди
- XXI асрнинг энг яхши спортчилари аниқланди. Месси яна Роналдуни ортда қолдирди
- Роналду ёки Месси? Олимлар кимнинг кучлироқ эканлигига ойдинлик киритди
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)