Germaniya Bundesligasining 32-turidan o‘rin olgan uchrashuvda “Bavariya” Bremenda “Verder” mehmoni bo‘ldi va 1:0 hisobida g‘alaba qozondi.
Myunxen klubi chap qanot himoyachisi Alfonso Devis ushbu uchrashuvda soatiga 36,51 kilometr tezlikda yugurdi va Bundesliganing yangi rekordini o‘rnatdi.
Qayd etish joiz, Bundesliga futbolchilarining maksimal tezligi to‘g‘risidagi ma’lumotlar 2013/14-yilgi mavsumdan boshlab to‘planib kelinadi. Bundan avvalgi eng yuqori natija “Borussiya Dortmund” himoyachisi Ashraf Hakimiga (36,49) tegishli edi.
Eslatib o‘tamiz, avvalroq Devis muxlislar e’tirofiga ko‘ra may oyida “Bavariya”ning eng yaxshi o‘yinchisi deb topilgan edi.
Ma’lumot uchun, “Bavariya” 19 yoshli kanadalik futbolchini 2018-yilda 14 million yevro evaziga sotib olgan. U joriy mavsumda Bundesligada 28 ta o‘yin o‘tkazib, o‘z hisobiga 3 ta gol va 5 asist yozdirib qo‘ygan. Uning klub bilan shartnomasi 2023-yilgacha amal qiladi.
Mavzuga doir:
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)