Леверкузеннинг «Байер» клуби ярим ҳимоячиси Кай Ҳаверц «Реал» сафига ўтмоқчи. Бу ҳақда Sportbuzzer хабар бермоқда.
Манбада айтилишича, футболчи Мадрид клуби ярим ҳимоячиси Тони Кроосдан илҳомланиб, Англияга эмас, Испания чемпионатига ўтишни афзал кўрмоқда.
Қайд этиш жоиз, аввалроқ «Реал» «Байер»га Ҳаверц борасида таклиф билан чиққанди, бироқ немис клуби футболчисининг нархини 100 миллион еврога баҳолаганди. «Қироллик клуби»га эса бу миқдор кўплик қилган.
Маълумот учун, 21 ёшли германиялик футболчи ушбу мавсумда клуб миқёсидаги барча мусобақаларда 39 та ўйинда майдонга тушиб, 15 та гол ва 8 та голли узатмага муаллифлик қилган.
Мавзуга доир:
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)