Германия чемпионатининг 32-туридан ўрин олган учрашувда «Бавария» сафарда «Вердер»ни 1:0 ҳисобида мағлуб этди ва мусобақа тугашига икки тур қолганида муддатдан аввал чемпионлик масаласини ҳал қилди.
Ушбу учрашувда мюнхенликларнинг ягона голига Роберт Левандовски муаллифлик қилди. Польшалик ҳужумчи учун бу Бундеслиганинг жорий мавсумидаги 31-гол бўлди.
Шу тариқа Левандовски Германия чемпионатида ҳаракат қиладиган легионерларнинг гол уриш борасидаги рекордини такрорлади. Аввал бундай натижани Дортмунднинг «Боруссия» клуби собиқ ҳужумчиси Пьер-Эмерик Обамеянг (2016/2017 йилги мавсум натижаси) қайд этганди.
Маълумот учун, Роберт Левандовски 2014 йилдан бери «Бавария» сафида тўп суриб келади. Унинг клуб билан амалдаги шартномаси 2021 йилгача мўлжалланган.
Мавзуга доир:
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)