«Барселона» ҳужумчиси Ансу Фати Ла Лиганинг 29-тури доирасида «Леганес»га қарши кечган ўйинда ўз номига гол ёздириб қўйди. Ҳужумчи беллашувнинг 42-дақиқасида ҳисобни очди, учрашув эса 2:0 ҳисобида каталон клуби фойдасига якунланди.
Фати учун бу Испания чемпионатидаги бешинчи гол бўлди. Шу тариқа Ансу 17 ёш-у 229 кунлигида 5 та тўп киритган Ла Лиганинг XXI асрдаги иккинчи энг ёш ўйинчисига айланди. Биринчи ўрин «Барселона» собиқ ҳужумчиси Боян Кркичга тегишли, у 17 ёш-у 201 кунлигида Испания чемпионатида бешта гол уришга муваффақ бўлганди, дея хабар бермоқда Opta.
Маълумот ўрнида Фати 2012 йилда «Севилья»дан «Барселона» академиясига кўчиб ўтган. Жорий мавсумда у Ла Лига баҳсларида 17 та ўйин ўтказиб, 5 та гол ва 1 та голли узатмага муаллифлик қилган.
Мавзуга доир:
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)