“Barselona” hujumchisi Ansu Fati La Liganing 29-turi doirasida “Leganes”ga qarshi kechgan o‘yinda o‘z nomiga gol yozdirib qo‘ydi. Hujumchi bellashuvning 42-daqiqasida hisobni ochdi, uchrashuv esa 2:0 hisobida katalon klubi foydasiga yakunlandi.
Fati uchun bu Ispaniya chempionatidagi beshinchi gol bo‘ldi. Shu tariqa Ansu 17 yosh-u 229 kunligida 5 ta to‘p kiritgan La Liganing XXI asrdagi ikkinchi eng yosh o‘yinchisiga aylandi. Birinchi o‘rin “Barselona” sobiq hujumchisi Boyan Krkichga tegishli, u 17 yosh-u 201 kunligida Ispaniya chempionatida beshta gol urishga muvaffaq bo‘lgandi, deya xabar bermoqda Opta.
Ma’lumot o‘rnida Fati 2012-yilda “Sevilya”dan “Barselona” akademiyasiga ko‘chib o‘tgan. Joriy mavsumda u La Liga bahslarida 17 ta o‘yin o‘tkazib, 5 ta gol va 1 ta golli uzatmaga mualliflik qilgan.
Mavzuga doir:
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)