Саломатлигингиз ва ташқи кўринишингиздаги айрим ўзгаришлар сиз истеъмол қиладиган маҳсулот ва таомномангиз билан боғлиқ бўлиши мумкин. Қуйида қандай ўзгаришлар бўлса рационга ўзгартириш кераклигига тўхталамиз.
Соч тўкилиши
Авваллари қалин, соғлом ва мустаҳкам бўлган сочларингиз тўкилишни бошлаган бўлса, сиз истеъмол қиладиган маҳсулотлар оқсил ва темирга бой эмаслигидан дарак. Бундай вазиятда, таркибида B12 витамини, тўйинган ёғ бўлган маҳсулотларни истеъмол қилиш керак бўлади. Бундан ташқари, ҳафта давомида балиқ, денгиз ва донли маҳсулотларни ейишга одатланинг.
Лоқайдлик ва чарчоқ кузатилиши
Иккинчи белги сизда апатия, яъни — лоқайдлик, ҳафсаласизлик ҳамда қизиқишнинг йўқолиши ҳисобланади. Уйқудан туришингиз ёки дам олган бўлсангиз ҳам чарчоқни ҳис қилишингиз сабаби, термик ишлов берилган маҳсулотларни кўп миқдорда истеъмол қилаётганингиз билан боғлиқ бўлиши мумкин. Гап шундаки, маҳсулотлар юқори ҳароратда пиширилганда таркибидаги озуқа моддалари йўқолади ва бу қондаги қанд миқдори ортишига сабабчи бўлади. Глюкозанинг кўпайиши, организмда инсулин ортишига олиб келади, бунинг оқибатида эса ҳолсизлик ва ҳаётий қувватнинг етишмаслиги кузатилади.
Тез-тез шамоллаш
Шамоллашнинг тез-тез такрорланиб туриши иммунитетнинг пастлиги, кучсизлиги сабаб вирус билан кураша олмаётганини билдиради. Организмнинг шамоллашлардан ҳимоялана олиши учун минерал, витамин ва клечаткаларга бой бўлган маҳсулот истеъмол қилиш керак. Рационингизга табиий ва фойдали маҳсулотларни киритиб сиз касалликларнинг олдини олган бўласиз.
Юзда тошма ва ҳуснбузарларнинг пайдо бўлиши
Ҳуснбузарлар саломатликда қандайдир муаммо борлигини билдиради. Юзингизга аввалгидан кўпроқ тошма тошаётганини пайқасангиз, энг аввало нима истеъмол қилаётганингизга ва қайси маҳсулотдан кейин тошма кузатилаётганига эътибор қаратинг ва айнан ўша маҳсулотни рационингиздан олиб ташланг.
Изоҳ (0)