Андижон вилояти Асака шаҳрида Жанубий Кореяга ўқишга юборишни ваъда қилиб, фуқароларни 20 300 АҚШ долларига чув туширган нодавлат таълим муассасаси ёпилди. Бу ҳақда Бош прокуратура «Дарё»га маълум қилди.
Маълумотларга кўра, Бош прокуратура ҳузуридаги Департаментнинг Асака туман бўлими томонидан «С» номли нодавлат таълим муассасасида терговга қадар текширув ўтказилган. Текширув давомида муассаса раҳбари Н.Т. ва бошқалар 2019 йил давомида бир неча фуқаронинг ишончига кириб, улардан Жанубий Кореядаги олийгоҳларга ўқишга киритиб қўйиш ҳамда виза олиб бериш баҳонасида пул олган.
Таъкидланишича, мазкур муассаса ходимлари 3 та ҳолатда 20 300 АҚШ доллари ва 8 миллион сўмни фирибгарлик йўли билан қўлга киритгани аниқланган.
Ҳозирда ушбу ҳолат юзасидан Н.Т. ва бошқаларга нисбатан Жиноят кодексининг 168-моддаси 3-қисми билан жиноят иши қўзғатилиб, тергов ҳаракатлари ўтказилмоқда.
Мавзуга доир:
- Сурхондарёда фуқаро 2 кишини Кореяга ишга юбораман деб, 8 минг долларга чув туширди
- Самарқандда Австралияга ишга юборишни ваъда қилиб 2 кишини 6,5 минг АҚШ долларига «туширган» шахс қўлга олинди
- Андижонда Польшага ишга жўнатишни ваъда қилиб, фуқаролар пулларини ўзлаштирган корхона мансабдорларига жиноий иш қўзғатилди
Изоҳ (0)