Andijon viloyati Asaka shahrida Janubiy Koreyaga o‘qishga yuborishni va’da qilib, fuqarolarni 20 300 AQSh dollariga chuv tushirgan nodavlat ta’lim muassasasi yopildi. Bu haqda Bosh prokuratura “Daryo”ga ma’lum qildi.
Ma’lumotlarga ko‘ra, Bosh prokuratura huzuridagi Departamentning Asaka tuman bo‘limi tomonidan “S” nomli nodavlat ta’lim muassasasida tergovga qadar tekshiruv o‘tkazilgan. Tekshiruv davomida muassasa rahbari N.T. va boshqalar 2019-yil davomida bir necha fuqaroning ishonchiga kirib, ulardan Janubiy Koreyadagi oliygohlarga o‘qishga kiritib qo‘yish hamda viza olib berish bahonasida pul olgan.
Ta’kidlanishicha, mazkur muassasa xodimlari 3 ta holatda 20 300 AQSh dollari va 8 million so‘mni firibgarlik yo‘li bilan qo‘lga kiritgani aniqlangan.
Hozirda ushbu holat yuzasidan N.T. va boshqalarga nisbatan Jinoyat kodeksining 168-moddasi 3-qismi bilan jinoyat ishi qo‘zg‘atilib, tergov harakatlari o‘tkazilmoqda.
Mavzuga doir:
- Surxondaryoda fuqaro 2 kishini Koreyaga ishga yuboraman deb, 8 ming dollarga chuv tushirdi
- Samarqandda Avstraliyaga ishga yuborishni va’da qilib 2 kishini 6,5 ming AQSh dollariga “tushirgan” shaxs qo‘lga olindi
- Andijonda Polshaga ishga jo‘natishni va’da qilib, fuqarolar pullarini o‘zlashtirgan korxona mansabdorlariga jinoiy ish qo‘zg‘atildi
Izoh (0)