Малайзиядаги эгизак осмонўпарлар меъмори Сезар Пелли вафот этди

АҚШда 92 ёшли аргентиналик машҳур меъмор Сезар Пелли вафот этди. «Korrespondent.net»нинг ёзишича, бу хабарни Аргентина президенти Маурисио Макри 19 июлда Twitter’даги саҳифасида тасдиқлаган.

«Сезарнинг қариндошлари ва дўстларига ўз тъазиямни билдирмоқчиман. Унинг бутун дунёга мерос сифатида қолдирган ишлари барча аргентиналикларнинг фахридир», — деган у.

Маълумот учун, Пелли 1926 йилнинг 12 октябрида Сан-Мигель-де-Тукуман шаҳрида туғилган. 1952 йилда АҚШга яшашга келган. Архитекторнинг энг машҳур ишлари – Куала-Лумпурдаги Петронас минораси, аввал Жаҳон молия маркази деб аталган Нью-Йоркдаги Brookfield Place биноси, шунингдек, Жанубий Америкада энг баланд бино бўлган Сантьягодаги Costanera Center осмонўпаридир.