Лувр пирамидасининг лойиҳачиси 102 ёшида вафот этди

АҚШда асли хитойлик бўлган Пажирдаги Лувр музейи пирамидасининг лойиҳачиси Бэй Юймин вафот этди. Бу ҳақда «Корреспондент» хабар берди.

The New York Times газетасининг ёзишича, Юймин 16 майга ўтар кечаси Нью-Йоркда оламдан ўтган. У ўзининг 102 ёшини 26 апрель куни нишонлаган эди.

Архитектор 1917 йили Хитой жанубидаги Гуанчжоу шаҳрида туғилган, 1935 йилда АҚШга кўчиб келган.

Аввалига Массачусетс технологиялари институтини тамомлаган Юймин, кейинчалик Гарвард университети қошидаги Олий дизайн мактабида таҳсил олган.

1983 йили архитектура соҳасида энг нуфузли ҳисобланган Прицкеровский мукофоти лауриатига айланган.

Юймин биринчи навбатда Париж марказидаги Лувр музейи пирамидасини бунёд этгани билан танилган. Франция собиқ президенти Франсуа Миттеран ташаббуси ҳамда Юйминнинг лойиҳаси билан 1985—1989 йилларда металл ва шишадан 20 метрли пирамида қурилган.

Бундан ташқари архитектор Кливленддаги рок-н-рол Шон-шараф зали, Вашингтондаги Миллий санъат галереяси, Нью-Йоркдаги JPMorgan Chase банки бинолари ва бошқа кўплаб иншоотлар лойиҳасини яратган.