ПСЖ спорт директори Леонардо Le Journal du Dimanche нашрига берган интервьюсида ҳимоячи ҳимоячи Тиаго Сильва ва ҳужумчи Эдинсон Каванининг мавсум охирида жамоани тарк этишини маълум қилди.
«Кавани ва Сильва мавсум охирида ПСЖни тарк этиши ҳақиқат. Лекин биз уларни август ойидаги Чемпионлар Лигасидаги ўйинларгача сақлаб қолмоқчимиз», — дейди Леонардо.
Қайд этиш жоиз, ҳар иккала футболчининг Париж клуби билан шартномалари 2020 йилнинг июнь ойи охирига қадар амал қилади.
Шунингдек, функционер шартномаси ўз ниҳоясига етаётган ҳимоячилар Лейвен Курзава ва Тома Менье, ярим ҳимоячи Эрик Шупо-Мотинг ҳам парижликлар сафини тарк этишини маълум қилди.
Кавани ушбу мавсумда 22 ўйинда 7 та гол ва 3 та голли узатмага муаллифлик қилган. Ҳозирда уругвайлик ҳужумчига «Интер» ва «Атлетико» клублари қизиқиш билдирмоқда.
Сильва 2012 йилда «Милан»дан Парижга 42 миллион еврога кўчиб ўтган. У 2019/20120 йилги мавсумда барча мусобақаларда 30 та ўйин ўтказиб, 1 та гол урди ва худди шунча голга ҳаммуаллифлик қилди.
Эслатиб ўтамиз, Франция чемпионати коронавирус пандемияси туфайли муддатидан олдин якунланиб, унда ПСЖ чемпион деб тан олинган.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)