UFC’да дебют қилган ўзбекистонлик MMA устаси Зарруҳ Адашев Тайсон Немга қарши жангдаги мағлубиятдан сўнг фикрлари билан бўлишди.
«Ҳеч қандай баҳона йўқ. Зарба ўтказиб юбордим ва ютқаздим. У билан тўла 3 раундлик жанг ўтказиш учун менда ҳеч қандай имконият йўқ эди. Чунки жанггача деярли машғулот ҳам ўтказмагандим. 50 га 50 эди. Хато меники. Тайсон учун қулай рақиб эдим. У ҳам мен каби «страйкер» эди. Мураббийларим ва кимнинг ишончини бугун оқлай олмаган бўлсам, уларнинг барчасидан узр сўраяман. Қўллаб-қувватлаганингиз учун раҳмат, кучли бўлиб қайтаман, албатта», — дейди Зарруҳ Адашев.
Эслатиб ўтамиз, Зарруҳ 14 июнь тонгида Лас-Вегасда ташкил этиган UFC’нинг навбатдаги мусобақаси доирасида америкалик Тайсон Немга қарши октагонга чиқиб, 1-раунднинг 32-сониясида нокаутга учради.
Шу тариқа Адашевнинг UFC’даги дебюти омадсиз чиқди.
Маълумот учун, Зарруҳ UFC’га қадар Bellator промоушени байроғи остидаги мусобақаларда қатнашган. MMA’даги натижаси эса Немга қадар шундай эди: тўртта жанг, учта ғалаба ва битта мағлубият. Самарқандлик 27 ёшли спортчи MMA’га қадар кикбоксинг билан профессионал тарзда шуғулланган.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)