13 июнда бошлаб Тошкентнинг Миробод туманидан ўтувчи Ҳайдар Алиев кўчасининг бир қисми таъмирлаш ишлари сабаб вақтинча ёпилди. Бу ҳақда пойтахт ҳокимлиги матбуот хизмати хабар берди.
«13 июндан бошлаб Миробод туманидаги Ҳайдар Алиев кўчасининг Озарбайжон маданият маркази жойлашган манзилидан Сарикўл кўчаси кесишмасигача бўлган оралиғидаги йўлнинг бир томони таъмирлаш ишлари сабаб бир ҳафтага ёпилади», — дейилади хабарда.
Мазкур йўлдан ҳаракатланувчи ҳайдовчиларга маълум муддат айланма йўллардан юришни тавсия этилади.
Тошкент шаҳар ҳокимлиги келтирилган ноқулайликлар учун узр сўрайди.
Аввалроқ Тошкентдаги Фарғона йўли ва кичик ҳалқа йўли кўчалари кесишмасидан Фарғона йўли кўчасининг 8 март кўчаси билан кесишмасигача бўлган автомобиль йўлининг бир томонида қайта таъмирлаш ишлари сабаб ёпилгани тўғрисида хабар берилганди.
Мавзуга доир: Тошкентда кичик ҳалқа йўли кесишмасидан Жомий майдонидаги айланмагача бўлган йўл ёпилади
Изоҳ (0)