Ўзбекистонда 13 июнь соат 10:00 ҳолатига кўра, коронавирус инфекциясига чалинганлар яна 32 нафарга кўпайди ва касалланганларнинг умумий сони 4901 нафарга етди. Бу ҳақда Соғлиқни сақлаш вазирлиги хабар берди.
Янги касалланиш ҳолатларининг барчаси карантин марказидаги фуқаролар орасида аниқланган. Шундан 22 нафари коронавирусга чалинганлар билан мулоқотда бўлган, 10 нафари эса хориждан чегара пост орқали Ўзбекистонга кириб келган.
Ҳозирда 1124 нафар беморга шифокорлар томонидан белгиланган стандартлар бўйича даво чоралари кўрилмоқда. Улардан 14 нафари оғир, 2 нафари эса ўта оғир аҳволда.
Маълумот учун, Ўзбекистонда ҳозиргача 3758 нафар фуқаро соғайган, 19 нафар бемор эса касаллик асоратлари оқибатида вафот этган.
Изоҳ (0)