Каталониянинг «Барселона» клуби ҳужумчиси Лионель Месси мажбурий танаффусдан сўнг майдонга қайтишдаги таассуротлари билан ўртоқлашди.
«Футбол ўйнай олмаслик мени чуқур ўйга толишга мажбур қилди. Ўзимни бошқа ҳар қандай футболчи каби ҳис қилдим. Мен шунчаки футбол ўйнашни хоҳлайман. Футбол ўйнаш — инъом, сизни кўплаб одамлар қўллаб-қувватлаши эса бундан ҳам кўпроқдир.
Футбол — бу бошқаларни илҳомлантиришинг ва ўзинг ҳам ундан илҳом олишинг мумкин бўлган имконият. Ва эҳтимол, бу бизга берилган нарсалар ичида бошқалар учун қувонч яратиш мумкин бўлган энг катта инъомдир. Футбол қайтмоқда ва мен яна тайёрман», — дейди Месси ўзининг Instagram’даги саҳифасида.
Эслатиб ўтамиз, «Барселона» Ла Лиганинг 28-турида «Мальорка» майдонига сафар қилади. Учрашув 13 июндан 14 июнга ўтар кечаси Тошкент вақти билан соат 01:00 старт олади.
Изоҳ (0)