Алишер Курманов Ўзбекистоннинг Украинадаги фавқулодда ва мухтор элчиси этиб тайинланди. Бу ҳақда Ташқи ишлар вазирлиги хабар берди.
Таъкидланишича, 13 июнь куни Ўзбекистоннинг Украинадаги элчиси этиб тайинланган Алишер Курманов Тошкентдан Киев шаҳрига жўнаб кетган.
Алишер Курманов бунга қадар Ўзбекистон Олий Мажлиси Сенатининг Халқаро муносабатлар, ташқи иқтисодий алоқалар, хорижий инвестициялар ва туризм масалалари қўмитаси раиси лавозимида ишлаган.
Шунингдек, у Ўзбекистоннинг Буюк Британия ва Шимолий Ирландия Бирлашган Қироллигида, бундан ташқари, Жанубий Корея, Сингапур ва Австралияда ҳам элчи лавозимида фаолият олиб борган. 2014 йилда у ташқи ишлар вазирига ўринбосари этиб тайинланган эди.
Бунга қадар Ўзбекистоннинг Украинадаги элчиси бўлиб ишлаган Алишер Абдувалиев 2019 йилда инвестициялар ва ташқи савдо вазири ўринбосари этиб тайинланганди. 2020 йилнинг март ойи ўрталарида эса Абдувалиев ўз ўрнини Азиз Воитовга бўшатиб берган.
Изоҳ (0)