Alisher Kurmanov O‘zbekistonning Ukrainadagi favqulodda va muxtor elchisi etib tayinlandi. Bu haqda Tashqi ishlar vazirligi xabar berdi.
Ta’kidlanishicha, 13-iyun kuni O‘zbekistonning Ukrainadagi elchisi etib tayinlangan Alisher Kurmanov Toshkentdan Kiyev shahriga jo‘nab ketgan.
Alisher Kurmanov bunga qadar O‘zbekiston Oliy Majlisi Senatining Xalqaro munosabatlar, tashqi iqtisodiy aloqalar, xorijiy investitsiyalar va turizm masalalari qo‘mitasi raisi lavozimida ishlagan.
Shuningdek, u O‘zbekistonning Buyuk Britaniya va Shimoliy Irlandiya Birlashgan Qirolligida, bundan tashqari, Janubiy Koreya, Singapur va Avstraliyada ham elchi lavozimida faoliyat olib borgan. 2014-yilda u tashqi ishlar vaziriga o‘rinbosari etib tayinlangan edi.
Bunga qadar O‘zbekistonning Ukrainadagi elchisi bo‘lib ishlagan Alisher Abduvaliyev 2019-yilda investitsiyalar va tashqi savdo vaziri o‘rinbosari etib tayinlangandi. 2020-yilning mart oyi o‘rtalarida esa Abduvaliyev o‘z o‘rnini Aziz Voitovga bo‘shatib bergan.
Izoh (0)