Сирдарё вилоятининг 1 майдаги сув тошқинидан талафот кўрган ҳудудларида йўллар ва кўприкларни таъмирлаш ва тиклаш ишлари жадал олиб борилмоқда. Бу ҳақда ФВВ матбуот хизмати раҳбари Мурод Содиқов 12 июнь куни ташкил этилган брифингда маълум қилди.
Маълум қилишларича, халқаро, давлат ва маҳаллий аҳамиятга эга йўллардаги 2991 дона йўл ўртасидаги ажратувчи ва йўл четидаги ҳимояловчи тўсиқлар қайта тикланган, 26 километр узунликдаги автомобиль йўлида асфальтобетон ётқизилган.
«Шунингдек, олтита кўприкда таъмирлаш ишлари олиб борилган», — дея қўшимча қилди Мурод Содиқов.
Эслатиб ўтамиз, 1 май куни соат 05:55 да Сирдарё вилоятида жойлашган Сардоба сув омбори тўғонининг 6-пикет деворида сув чиқиши
юзага келганди. Сув тошқини оқибатида
4435 та хонадон талафот кўрган. Улардан 2390 таси яроқсиз ҳолга келган, 2045 таси эса таъмирталаб ҳолатда. Бош прокуратура Сардоба фалокати юзасидан жиноят иши бўйича 4 та тергов версиясини
кўриб чиқмоқда. Ҳозирда сув омбори иши бўйича икки киши
қамоққа олинган. Сардоба тумани «Дўстлик» маҳалласида 37 та 1480 хонадонли; Мирзаобод тумани «Ҳақиқат» маҳалласида 20 та 800 хонадонли ва «Навбаҳор» маҳалласида 9 та 360 хонадонли кўп қаватли турар жой қурилиш ишлари
бошланган.
Изоҳ (0)