Тошкент вилоятининг Чирчиқ шаҳри 11 июндан бошлаб «юқори хавфли ҳудуд» сифатида тоифаланди ва «қизил» ҳудудга айланди. Шаҳар 6 июнь ҳолатига кўра, «сариқ» ҳудудлар қаторига киритилганди.
Шаҳардаги барча блокпостларда назорат кучайтирилган ҳолда иш олиб борилмоқда. Автотранспорт воситалари қатнови эрталаб 07:00 дан 10:00 га қадар ҳамда 17:00 дан 20:00 га қадар амалга оширилади.
Тошкент вилояти ҳокимлиги томонидан маълум қилинишича, вилоятдаги «қизил», «сариқ» ва «яшил» ҳудудлар рўйхатида ўзгариш бўлиши кутилмоқда. Коронавирус билан боғлиқ вазиятдан келиб чиққан ҳолда вилоятнинг тегишли мутасаддилари томонидан ҳудудлардаги аҳвол қуйидагича баҳоланмоқда.
«Қизил» ҳудуд: Чирчиқ шаҳри, Бекобод, Оққўрғон, Зангиота, Қибрай, Паркент, Пискент, Чиноз, Янгийўл, Тошкент туманлари.
«Сариқ» ҳудуд: Ангрен, Бекобод, Янгийўл шаҳарлари, Бўстонлиқ, Ўрта Чирчиқ, Юқори Чирчиқ туманлари.
«Яшил» ҳудуд: Нурафшон, Олмалиқ, Оҳангарон шаҳарлари, Оҳангарон, Бўка, Қуйи Чирчиқ туманлари.
Вилоят ҳокимлигининг қайд этишича, мазкур ўзгаришлар Республика махсус комиссияси қарори билан амалга оширилади.
Аввалроқ Қашқадарё вилоятининг Чироқчи тумани ва Хоразм вилояти маркази Урганч шаҳри «яшил»дан «қизил»га айланиб, мазкур ҳудудларда назорат кучайтирилганди.
Изоҳ (0)