Ўзбекистонда пандемия бошидан буён Мудофаа вазирлиги томонидан қанча ҳудуд дезинфекция қилингани очиқланди

Ўзбекистонда коронавирусга қарши кураш бошланганидан 8 июнь кунига қадар Мудофаа вазирлигининг йиғма батальон ва отрядлар кучлари 309 та махсус техника, 11 089 та дезинфекция аппарати ва 13 052 кишини жалб қилган ҳолда 20 та шаҳар ва вилоятдаги 36 та туман марказларида дезинфекция ишларини олиб борди. Бу ҳақда Мудофаа вазирлиги матбуот котиби Баҳром Зулфиқоров 11 июнь, пайшанба куни бўлиб ўтган брифингда маълум қилди.

Республика миқёсида 49 998 та объектда жами 36 108 840 квадрат метр майдон дезинфекция қилинди. Бу жараёнга 6562 килограмм, жумладан, Тошкент шаҳри учун 2639 килограмм дезинфекцияловчи восита сарфланди.

Ўртача ҳисобда бир кунда 700 минг квадрат метрдан ортиқ майдонда дезинфекция ишлари олиб борилмоқда.