Vivo компанияси Х50, Х50 Pro ва Х50 Pro+ моделлари ўрин олган Х50 смартфонлар линейкасини тақдим этди. Янги моделлар инновацион барқарорлаштиргич тизими ва сифатли зумга эга ноодатий камера датчиклари билан харидорни ўзига жалб этади, деб хабар беради Gsmarena.
Vivo Х50 ва Х50 Pro’га 6,56 дюймли АМOLED дисплей ўрнатилган бўлиб, у Full HD+ сифатни қўллаб-қувватлайди. Қурилма ичидан Snapdragon 765G процессор, 8 гигабайт тезкор ва 128/256 гигабайт ички хотира ўрин олган. Аккумулятор сиғими 4315 мА/соатга тенг бўлиб, Pro версияси 33 ваттгача тезкор қувватланиш функциясига эга (кичик Х50’га 4200 мА/соат батарея ўрнатилган).
Х50 Pro’нинг асосий камераси 48 мегапикселлга тенг бўлиб, Sony IМХ598 сенсори ёрдамида видеога олинганда барқарорлаштирувчи конструкция ишга тушади. Шунингдек, смартфон 8 мегапикселли ултра кенг ўлчамли, 50 миллиметр фокус оралиғига тенг 13 мегапикселли телевик, беш маротабали оптик ҳамда 60 бараваргача яқинлаштирувчи рақамли зумли перископик модулга эга. Фронтал камера эса 32 мегапикселни ташкил этади.
Кичик Х50 моделининг асосий камераси бироз оддийроқ — асосий датчиги Pro’ники билан бир хил, бироқ инновацион барқарорлаштиргич тизимига эга эмас. Перископик телевик ўрнига 5 мегапикселли макрокамера ўрнатилган.
Vivo Х50 Pro+ Snapdragon 865 процессорига эга ҳақиқий флагманга айланган. Қурилмага 4350 мА/соат сиғимга эга аккумулятор ўрнатилган бўлиб, 44 ватт тезкор қувватланишни қўллаб-қувватлайди.
Хитойда янги линейка 6 июндан сотувга чиқади. Расмий нархлар:
- Vivo Х50 8/128 Гб — 490 доллар;
- Vivo Х50 8/256 Гб — 550 доллар;
- Vivo Х50 Pro 8/128 Гб — 600 доллар;
- Vivo Х50 Pro 8/256 Гб — 660 доллар;
- Vivo Х50 Pro+ 8/128 Гб — 700 доллар;
- Vivo Х50 Pro+ 8/256 Гб — 770 доллар;
- Vivo Х50 Pro+ 12/256 Гб — 840 доллар.
Изоҳ (0)