Ўзбекистонда 7 июнь соат 10:00 ҳолатига кўра коронавирус инфекцияси қайд этилганлар сони 87 кишига кўпайиб, 4181 нафарни ташкил этмоқда. Бу ҳақда Соғлиқни сақлаш вазирлиги хабар бермоқда.

Таққослаш учун, 6 июнь куни давомида бутун Ўзбекистон бўйича 87 та ҳолатда коронавирус инфекциясини юқтириб олиш ҳолати тасдиқланган эди. Соғлиқни сақлаш вазирлиги 7 июнь куни 17:00 ва 23:00 ҳолатига кўра янги касалланиш ҳолатларини эълон қилиши кутилмоқда.

«Янги касалланиш ҳолатларининг барчаси Тошкент шаҳрида коронавирусга чалинганлар билан мулоқотда бўлган фуқаролар орасида қайд этилган», — дейилади ССВ ахборотида.

Ҳозирда Ўзбекистон бўйича 896 нафар бемор коронавирусдан даволанишни давом эттиришмоқда. ССВдан маълум қилишларича, улардан 11 нафарининг аҳволи оғир, 3 нафари эса ўта оғир аҳволда.

Эслатиб ўтамиз, 6 июнь соат 23:00 ҳолатига кўра Ўзбекистонда 3268 нафар коронавирус инфекциясига чалинган фуқаролар соғайган, 17 нафари эса вафот этган.