«Манчестер Юнайтед» коронвирус пандемияси сабаб юзага келган инқирозга қарамасдан ёзги трансфер ойнасида ўз таркибини кучайтириб олмоқчи, дея хабар қилмоқда Manchester Evening News.
Манчестерликлар устози Оле-Гуннар Сульшер «Боруссия Д» вингери Жейдон Санчони сотиб олишни истамоқда. Шунингдек, мутахассис «Бирменгем»нинг 16 ёшли марказий ярим ҳимоячиси Жуд Беллингемга ҳам бефрқ эмас.
Шунингдек, Сульшер плеймекер олиб келинишини хоҳлаяпти. Таъкидланишича, «қизил иблислар» бу борасида «Астон Вилла» вакили Жек Грилиш ва «Байер» етакчиси Кай Ҳавертц вариантларини кўриб чиқмоқда.
Аввалроқ The Independent «Юнайтед» шорт-листидан Санчо, Грилиш, шунингдек, Жо Родон («Суонси») ва Раҳим Стерлинг («Манчестер Сити») каби футболчилар ўрин олгани ҳақида хабар қилганди.
Санчо Бундеслига жорий мавсумида 28 ўйин ўтказиб, 17 гол ва 16 та ассист муаллифига айланди. Жуд эса Чемпионшипда 32 ўйинда қатнашиб, тўрт гол ва иккита самарали узатмани ўз ҳисобига ёздириб қўйган.
Грилиш Премьер Лига 2019/20 йилги мавсумида 26 ўйинда 7 гол ва 6 та голли пас ижро этган бўлса, Бундеслигада шунча ўйин ўтказган Ҳавертц 11 та гол уриб, 5 бор голга олиб келган узатмага муаллифлик қилган.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)