Икки вазн тоифасида UFC собиқ чемпиони Конор Макгрегор яна бир бор фаолиятини якунлаганини эълон қилди.
«Салом йигитлар. Мен жанг қилишни тугатишга қарор қилдим. Барчангизга ажойиб хотиралар учун раҳмат. Бу жуда зўр бўлди!
Бу суратда Лас-Вегасда чемпионлик жангларимдан биридаги ғалабамдан кейин онам билан биргаман. Орзуингдаги уйни танла Мэгс, сени яхши кўраман! Нимани кўнглинг истаса, ўша сеники бўлади», — деб ёзиб қолдирган Конор ўзининг Twitter’даги саҳифасида.
https://twitter.com/TheNotoriousMMA/status/1269492917317533696
Маълумот учун, бу Конор Макгрегорнинг учинчи марта спортдан кетганини эълон қилиши. У бунгача ҳам икки марта UFC’ни тарк этганини айтган.
Конор сўнгги жангини 2020 йилнинг январь ойидаги UFC 246 мусобақасида Дональд Серронига қарши ўтказиб, биринчи раундаёқ рақибини нокаутга учратган.
Аввалроқ UFC президенти Дэйна Уайт ирландиялик спортчига чемпионлик жангини ваъда қилиб, Конор учун энг яхши юриш — бу Ҳабиб Нурмагомедов ва Жастин Гэтжи жанги ғолиби билан курашиш эканлигини айтганди.
Нокаутларга бой бўлган UFC 250 мусобақаси жангларини томоша қилинг (видео)
Изоҳ (0)