«Барселона» ҳужумкор ярим ҳимоячи Усмон Дембеле билан хайрлашишга тайёр. Каталон клуби франциялик футболчини трансферга қўяди, дея хабар қилмоқда Diario Sport. «Барселона» мавсум якунлангач, август ойида бу ҳақда ўйинчининг агенти Мусса Сиссокога маълум қилади.
Агар Дембеле жорий мавсум майдонга тушмайдиган бўлса, уни яхши нарх эвазига сотишнинг иложи бўлмайди. «Барселона» уни 2017 йилда 105 миллион евро эвазига «Боруссия Д»дан сотиб олганди.
Ҳозирча «Барселона»да Усмон борасида аниқ таклифлар йўқ. Аввалроқ футболчига «Ювентус», ПСЖ ва «Ливерпуль»дан қизиқиш бўлаётгани хабар қилинганди. Бироқ унинг жароҳатга мойиллиги ва ўйинларни ўтказиб юбориши клубларда хавфсираш уйғотмоқда.
Дембеленинг ўзи «Барселона»да қолишни истаяпти. У сўнгги бор жамоа сафида 2019 йилнинг 27 ноябрида ўйнаганди. Жорий мавсум Дембеле Ла Лигада бешта ўйин ўтказди ва битта гол муаллифига айланди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)