Фуқаролик уруши (1861—1865 йиллар) фахрийси сифатида нафақа олган охирги АҚШ фуқароси Ирэн Триплетт 91 ёшида вафот этди. Бу ҳақда Washington Post хабар бермоқда.
Фото: «ТАСС»
Фахрийлар иши бўйича вазирлик томонидан Ирэн Триплеттга тўланадиган нафақа миқдори йилига 877,56 доллар ёки ойига 73,13 долларни ташкил этган. У Конфедерация Армияси сафларида фуқаролик уруши қатнашчисининг ногирон фарзанди сифатида умрбод нафақа олиш ҳуқуқига эга бўлган.
Триплетт 1930 йилда, отаси қарийб 84 ёшда бўлган пайтда туғилган бўлиб, ҳаёти давомида турмуш қурмаган. Аёл 31 май куни Шимолий Каролинадаги қариялар уйида, унинг акаси эса 1966 йилда вафот этган.
Фахрийлар ишлари бўйича вазирликнинг таъкидлашича, 2020 йил ҳолатига кўра, қадимги урушлар, жумладан, 1898 йилги Испания—Америка урушида ҳалок бўлган аскарларнинг бевалари ва болалари нафақа олишда давом этмоқда.
