Тошкент шаҳрида жамоат транспорти қатновини такомиллаштириш мақсадида йўналишлар тармоғи мақбуллаштирилмоқда. Бу ҳақда Транспорт вазирлиги ахборот хизмати хабар қилган.
Мақбуллаштириш натижасида йўловчиларнинг жамоат транспортида бир кунда ҳаракатланиш вақтини 30 дақиқага қисқартиришга эришиш кўзланмоқда.
Шунингдек, йўловчиларнинг бир транспорт туридан бошқасига ўтиши учун 12 та транспорт ўтиш боғламалари ташкил этилади. Автобуслар йўналишлари қисқартирилади ва янги автобус йўналишларининг асосий вазифаси эса йўловчиларни метрополитенга етказиб бериш деб белгиланади.Йўловчилар оқими катта бўлган магистрал кўчаларда тезюрар автобус йўналишлари ташкил қилинади.
Изоҳ (0)