Toshkent shahrida jamoat transporti qatnovini takomillashtirish maqsadida yo‘nalishlar tarmog‘i maqbullashtirilmoqda. Bu haqda Transport vazirligi axborot xizmati xabar qilgan.
Maqbullashtirish natijasida yo‘lovchilarning jamoat transportida bir kunda harakatlanish vaqtini 30 daqiqaga qisqartirishga erishish ko‘zlanmoqda.
Shuningdek, yo‘lovchilarning bir transport turidan boshqasiga o‘tishi uchun 12 ta transport o‘tish bog‘lamalari tashkil etiladi. Avtobuslar yo‘nalishlari qisqartiriladi va yangi avtobus yo‘nalishlarining asosiy vazifasi esa yo‘lovchilarni metropolitenga yetkazib berish deb belgilanadi.Yo‘lovchilar oqimi katta bo‘lgan magistral ko‘chalarda tezyurar avtobus yo‘nalishlari tashkil qilinadi.
Izoh (0)