Техасда Илон Маскнинг SpaceX компанияси томонидан яратилган Starship космик кемаси синов вақтида портлаб кетди. Кўнгилсиз ҳодиса Мексика чегараси яқинидаги Бока Чика полигонида содир бўлган, деб хабар қилади Spaceflight Now.
Портлаш Raptor двигатели ишга туширилганидан икки дақиқа ўтиб содир бўлган. Ракета буткул йўқ бўлиб кетган, унинг қолдиқлари учириш майдончаси бўйлаб сочилиб ётибди. Жароҳат олганлар ҳақида маълумот йўқ.
A prototype of SpaceX’s Starship violently exploded in South Texas moments after a test-firing of its Raptor engine Friday, dealing a setback to the company’s next-generation reusable rocket program (📷: @SpacePadreIsle).
— Spaceflight Now (@SpaceflightNow) May 29, 2020
READ MORE: https://t.co/UIzTPzPgy2 pic.twitter.com/m8JTVI44jd
Маск Starship кемаси 27 май куни парвози ноқулай об-ҳаво шароити сабаб қолдирилган Falcon 9 ракетасининг ўрнини эгаллашини хоҳлаганди. SpaceX режасига кўра, Starship Ой ва Марсга юк ташиб, яна Ерга қайтиб келиши керак.
Таъкидлаш керакки, бу прототиплар билан содир бўлаётган биринчи кўнгилсиз ҳодиса эмас. Апрель ойининг бошларида Starship’ни суюқ азот билан тўлдириш вақтида ҳам портлаш содир бўлганди. 2019 йилнинг ноябрида эса Starship Мk1 герметикликка синов вақтида портлаб кетган.
Изоҳ (0)