«У жуда ғалати йигит». «Брешия» президенти Марио Балотеллининг яна жамоасини ўзгартиришини тасдиқлади

«Брешия» футбол клуби президенти Массимо Челлино ҳужумчи Марио Балотелли жамоани тарк этишини тасдиқлади.

Аввалроқ 29 ёшли футболчи клуб раҳбарияти билан торитишиб қолгани ва машғулотлардан четлатилгани хабар қилинганди.

«Балотелли билан боғлиқ иш бироз бўртирилди, чунки футбол йўқ ва бундай вақт бирор нима дейишга ҳожат йўқ. У ғалати йигит, у энди биз ҳақимизда ўйламаяпти. Бу ўйинчи шунчаки бебош.

Биз Балотеллини шунчаки эътибор тортиш учун олиб келмагандик, у майдонда муҳим ўрин тутишига ишонгандик. Мен шундай ўйлагандим, чунки Марио менга ёқади. Энди ундан кўнглимиз қолди», — дейди функционер.

Балотелли 2019 йилнинг ёзида эркин агент мақомида «Брешия» сафига келиб қўшилганди. Жорий мавсум клуб миқёсида 19 ўйин ўтказган футболчи 5 та гол муаллифига айланди. Transfermarkt портали уни 5,5 миллион еврога баҳолаган.