Football 365 портали футбол тарихида ортиқча баҳо берилган ўйинчилар рейтингини эълон қилди.
Рўйхатнинг биринчи поғонасидан Бразилия терма жамоаси афсонаси Пеле ўрин олди. У уч марта Жаҳон Чемпионлигини қўлга киритган ягона футболчи ҳисобланади. Таъкидланишича, Пеле 1962 йилги мусобақанинг катта қисмини жароҳат сабаб ўтказиб юборади, қолган иккитасида эса юлдуз футболчи ҳисобланмаган. Фаолиятининг деярли барча қисмини Бразилияда ўтказган. Унинг қуролли кучлар чемпионатида урган голлари ҳам умумий статистикасидан жой олган.
Иккинчи ўринга Франция терма жамоаси собиқ ярим ҳимоячиси Давид Жинола лойиқ кўрилди. Кучли учликни яна бир бразилиялик футболчи Роберто Карлос якунлаб берди.
Эътиборлиси, кучли ўнликнинг ярми бразилиялик футболчилардан ташкил топди. Ундан ҳозирги вақтда фаолиятида давом этаётган Филиппе Коутиньо, Неймар ва Ҳалк каби ўйинчилар ўрин олди.
Топ-10 билан танишинг:
- Пеле («Сантос» собиқ ўйинчиси)
- Давид Жинола («Тоттенҳэм» собиқ футболчиси)
- Роберто Карлос («Интер» ва «Реал» собиқ ҳимоячиси)
- Клод Макелеле (ПСЖ, «Челси» ва «Реал» собиқ футболчиси)
- Георгий Кинкладзе («Манчестер Сити» ва «Аякс» собиқ футболчиси)
- Филиппе Коутиньо («Барселона» / «Бавария»)
- Неймар (ПСЖ)
- Пол Скоулз («Манчестер Юнайтед» собиқ ўйинчиси)
- Ҳидетоши Наката («Парма», «Рома» ва «Фиорентина» собиқ ўйинчиси)
- Ҳалк («Шанхай СИПГ»).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)