Андижон вилояти юқумли касалликлар шифохонасида 5 нафар, Самарқанд вилояти юқумли касалликлар шифохонасида 4 нафар — жами 9 нафар коронавирус инфекциясига чалинган беморлар 28 май куни бутунлай соғайиб, реабилитацияга кузатилди, деб хабар бермоқда ССВ матбуот хизмати
Андижонда тузалганларнинг барчаси Андижон шаҳридан бўлиб, 2 нафари эркак, 3 нафари аёл. Уларнинг ёши каттаси 36 ёшда бўлса, кичиги 2019 йилда туғилган чақалоқ. Вилоятда айни пайтга қадар 169 нафар бемор соғайган бўлса, эндиликда улар сони 174 нафарга етди.
Самарқандда шифо топганларнинг барчаси ушбу вилоятдан (Пастдарғом, Иштихон, Оқдарё туманлари ва Самарқанд шаҳридан 1 нафардан) бўлиб, 2 нафари эркак, 2 нафар аёл. Улар орасида ёши каттаси 46 ёшда, кичиги 36 ёшда. Вилоятда айни пайтга қадар 254 нафар бемор соғайган бўлса, эндиликда 258 нафарга етди.
Бундан аввал Тошкентда 17 киши тузалгани ҳақида хабар берилганди. Шундай қилиб, бугун 26 нафар бемор тузалиб, Ўзбекистон бўйлаб коронавирус инфекциясидан бутунлай соғайганлар 2694 нафарга етди.
Касалланганларнинг умумий сони эса 28 май соат 16:30 ҳолатига кўра, 3437 нафарни ташкил қилмоқда. Уларнинг 14 нафари инфекция асоратлари оқибатида вафот этган.
Изоҳ (0)