Наманган вилоятида бугунги кунда 36 та корхона тиббий ниқоб ишлаб чиқариш билан шуғулланмоқда. Бу ҳақда «Ўзтўқимачиликсаноат» уюшмасининг вилоятдаги вакили Нурбек Абдуллаев маълум қилди, дея хабар бермоқда «Дарё» мухбири Азизбек Абдувалиев.
Кейинги ўринларда Тошкент шаҳри (29), Андижон (28) ва Тошкент вилоятлари (24 та корхона) қайд этилган. Уларнинг улушига мамлакатда ишлаб чиқарилаётган ушбу маҳсулотнинг 75 фоизи тўғри келмоқда.
«Намангандаги тикув-трикотаж корхоналари бир кунда 350 минг дона тиббий ниқоб ва 12 минг дона ҳимоя комбинезони тайёрлаш қувватига эга. Уларнинг 17 таси экспорт шартномалари тузишга ҳам улгурди. Жумладан, «Ахсикент соф саноат» МЧЖ Россияга жами 440 минг долларлик 2 миллион дона тиббий ниқоб жўнатиш бўйича келишувга эришган», — дейди Нурбек Абдуллаев.
«Ўзтўқимачиликсаноат» уюшмаси вакилининг билдиришича, Наманган бугунги кунда ушбу ҳимоя воситаларининг етарлича захираси яратилган. Жумладан, ҳозирда вилоятдаги корхоналар омборларида 800 минг донадан ошиқ тиббий ниқоб, 12 мингта ҳимоя комбинезони мавжуд.
Изоҳ (0)