Конголик дизайнер келажакда мода намойишлари қандай бўлишини кўрсатди. Подиумда моделлар ўрнига 3D кийимлар «юради» (видео)

Конголик дизайнер Анифа Мвуэмба ўзининг Hanifa брендининг янги коллекциясини виртуал тарзда тақдим этди, деб ёзади Esquire.

У 3D моделлаштириш ёрдамида мода намойишини ўтказди. Намойиш моделларсиз ўтди: кийимлар подиумда ўзи юраётгандек эди.

Дизайнернинг сўзларига кўра, рақамли тақдимот ҳақида у дунёдаги ҳозирги вазиятга қадар ўйлаган эди.

https://www.instagram.com/p/CAk_iQsgzVw/?utm_source=ig_embed&utm_campaign=loading

«Hanifa бу — қандайдир чекловларсиз, барча аёлларга мўлжалланган кийим. Шунинг учун уч ўлчамли визуаллаштириш ушбу ғояни яхшироқ акс эттиради», — дейди дизайнер. Рақамли тақдимотни тайёрлашга ярим йилдан кўпроқ вақт сарфланди.

Pink Label Congo деб номланган коллекциядаги кийимлар Конго манзарасига бағишланган ва Африка модасини  акс эттирган.