Xiaomi компанияси Smart Lock E номли «ақлли» қулфни тақдим этди. Мазкур ихтирони жамоавий молиялаштириш босқичида 126 доллар эвазига харид қилиш мумкин, кейинчалик нархи 140 долларга қадар кўтарилади, деб хабар беради IXBT.
Xiaomi Smart Lock E «ақлли» қулфи олти турдаги блокдан чиқариш функциясига эга, жумладан, бармоқ изи сканери, парол, вақтинча парол, Bluetooth, Homekit ва авария калити. У дактилоскопик датчик билан жиҳозланган. Компаниянинг таъкидлашича, янги датчик 98,5 фоиз аниқликда ишлайди.
Қурилма Homekit’ни қўллаб-қувватлагани сабаб уни iPhone, iPad, ҳатто Apple Watch ёрдамида бошқарса бўлади. Бундан ташқари, қулф овозли буйруқ ёрдамида ҳам ишлайди. Масалан, меҳмон келганда «Ҳой Сири, эшикни оч» дейиш кифоя.
Xiaomi Smart Lock E саккизта аккумулятор ёрдамида 18 ойга қадар ишлайди. Аккумулятор заряди 20 фоиздан пастга тушса, қулфдаги қизил ёруғлик диод ламаси ёниб, уни қувватлантириш лозимлигини эслатади. Қулфнинг пастки қисмида USB-C авария қувватлантириш модули жойлашган.
Изоҳ (0)