Коронавирус пандемияси туфайли аксарият компаниялар ўз ходимларини масофадан ишлашга ўтказаётгани муносабати билан Facebook жамоаси бироз фантазияни ишга солиб, келажакда иш жойи қандай бўлишини кўрсатишга қарор қилди, деб хабар берди «Korrespondent.net».
Мутахассисларнинг фикрича, келгусида иш жараёнида тўлдирилган ва виртуал реалликдан фойдаланилади (AR ва VR).
Шундай қилиб, ходим VR-шлем ва камера ёрдамида одатий клавиатурада маълумотлар киритади ва улар виртуал дисплейда акс этади.
Экранларни эса имо-ишоралар орқали бошқариш мумкин ҳамда иш жойини ҳар ким ўзига мослаштира олади.
Шунингдек, компания вакиллари виртуал аватарларни ҳам ўйлаб топди. Улар Codec Avatars сунъий интеллекти ёрдамида инсон образи ва ҳис-туйғуларидан нусха кўчира олади.
Аватарлар ходим ўзини ёлғиз ҳис этмаслиги учун керак бўлади.
Facebook вакилларининг айтишича, ушбу технология аллақачон синовдан ўтказилган.
Изоҳ (0)