Европа Кенгашининг терроризмга қарши кураш бўйича экспертлари коронавирус пандемиясидан сўнг дунёда биологик қурол қўлланилиши хавфи ошиши мумкинлигидан огоҳлантирди.
Айни пайтдаги вазият инсониятнинг вирусли инфекциялар ва унинг даҳшатли оқибатлари олдида ожизлигини кўрсатди, дейилади экспертлар хулосасида. Ушбу хулосалар 25 май куни Funke Mediengruppe нашри томонидан келтирилган.
Қайд этилишича, экстремистлар учун биологик қуролдан фойдаланиш кўпроқ қўл келиши мумкин, бу эса «анъанавий» ҳужумга қараганда одамлар ҳамда иқтисодиётга кўпроқ зарар етказади.
Шунингдек, айрим экстремистик гуруҳлар бундай қурол билан аллақачон тажриба ўтказишгани таъкидланган.
Мутахассислар Европа давлатларини ушбу эҳтимолий таҳдидга қарши қатъий ва келишилган жавоб чораларини ишлаб чиқишга чақирмоқда. Уларнинг фикрича, шунбали ҳолатларни текширишга ёрдам берувчи умумий мониторинг тизими бўлиши лозим.
Изоҳ (0)