АҚШ ҳарбий денгиз кучлари учувчисиз бошқариладиган самолётларни йўқ қилувчи лазер қуроли синовдан ўтказилганини хабар қилди. Хабарнома Тинч океан қўмондонлик флотининг Twitter’даги саҳифасида эълон қилинган.
Ташкилот Facebook’да синовлар видеосини ҳам улашган. Видео кадрларида улкан кемадаги лазер қуроли ҳавода учувчи аппаратни ёқиб юборгани акс этган.
CNN’нинг қўмондонлик матбуот хизматига асосланиб хабар қилишича, синовлар 16 май куни Тинч океанида ўтказилган. Уларда USS Portland десант-транспорт кемаси иштирок этган. Ҳарбий ташкилот қаттиқ характерли лазер қуролининг тизими синовдан ўтказилганини маълум қилган.
Ҳарбийлар қуролнинг қуввати ҳақида маълумот бермаган, бироқ CNN Халқаро стратегик тадқиқотлар институтининг 2018 йилдаги тадқиқотларига асосланиб, қуввати тахминан 150 киловатт экани қайд этилган. Қурол Northrop Grumman ҳарбий ишлаб чиқариш компанияси томонидан тайёрланган.
2017 йилда CNN АҚШ ҳарбий денгиз кучларининг Форс кўрфазида лазер қуроли тизимини (LaWS) синовдан ўтказганди, қурол USS Ponce десант-транспорт кемасида тест қилинган. Ўшанда ҳарбийлар учувчисиз парвоз қилувчи аппаратни уриб туширган ва самолёт ёниб, денгизга қулаганди.
Изоҳ (0)