Нью-Йорк штатида коронавирус туфайли жорий этилган чеклов чоралари юмшатилиб, аҳолига 10 кишигача тўпланишга рухсат берилди, деб хабар бермоқда New York Post. Тегишли қарор штат губернатори Эндрю Куомо сайтида эълон қилинган.
Аввалроқ ҳукумат фуқароларга фақат диний маросимларни ўтказиш учун 10 кишигача йиғилишга рухсат берганди. Энди эса исталган тадбирлаш учун шунча киши тўпланиши мумкин. Шу билан бирга, одамлар ижтимоий масофа сақлаши лозим бўлади.
Апрель ойида Эндрю Куомо Нью-Йоркда никоҳ маросимларини онлайн ўтказишга рухсат берган эди.
Жонс Ҳопкинс маълумотларига кўра, Нью-Йоркда коронавирусга чалинганлар сони 358 минг кишидан ошиб кетган. Эпидемия бошланганидан буён Нью-Йоркда 63 мингдан ортиқ бемор тузалган, 28 мингдан ортиғи вафот этган. Қурбонлар орасида уч нафар ўзбекистонлик (бир аёл ва икки эркак) ҳам бор бўлиб, улардан бири машҳур шашмақом ижрочиси марҳум Рустам Самарқандий эди.
Изоҳ (0)