Ўзбекистонда 2020 йилнинг январь—апрель ойларида республикада автомобиль бензини ишлаб чиқариш ҳажми 2019 йилнинг шу даврига нисбатан кўпайди. Бу ҳақда Давлат статистика қўмитаси маълумотларида келтирилган.
Қайд этилишича, 2019 йилнинг январь—апрель ойлари давомида мамлакатда 308,7 минг тонна бензин ишлаб чиқарилган бўлса, 2020 йилда ушбу кўрсаткич 365,8 минг тоннани ташкил этган.
Шунингдек, дизель ёқилғисини ишлаб чиқариш ҳажмида ҳам ўсиш кузатилган. 2019 йилда 341,8 минг тонна дизель ишлаб чиқарилган бўлса, 2020 йилда — 363,4 минг тоннага етган.
Шу билан бирга, Ўзбекистон 2020 йил январь—апрель ойларида нефть қазиб олишни 2019 йилнинг шу даврига нисбатан (231,2 минг тонна) бироз оширган — 232,6 минг тоннагача.
Табиий газ қазиб олиш эса 17,2 миллиард куб метрни ташкил этган, бу 2019 йилнинг шу даврига нисбатан камроқ, демак (20,5 миллиард куб метр). Бундан ташқари, январь—апрель ойларида Ўзбекистон 506,9 минг тоннадан ортиқ газ конденсати қазиб олинган, бу ҳам 2019 йилнинг шу даврига нисбатан кам (541,3 минг тонна) эканини кўрсатади.
Эслатиб ўтамиз, апрель ойининг бошида «Ўзбекнефтгаз» АЖ бошқарув кенгаши раисининг ўринбосари Улуғбек Ашуров Ўзбекистонда бензин ва дизель нархи пасайишини маълум қилганди. 15 майдан бошлаб мамлакатдаги UNG ёқилғи қуйиш шохобчаларида импорт қилинган Аи-92 бензинининг нархи 5000 сўмга туширилган.
Изоҳ (0)