Бухоро вилоят ҳокимининг ёшлар сиёсати, ижтимоий ривожлантириш ва маънавий-маърифий ишлар бўйича ўринбосари лавозимига Мирали Ҳамроев тайинланди. Бу ҳақда «Дарё»га вилоят ҳокимлиги ахборот хизмати раҳбари Олим Жўраев маълум қилди.
Таъкидланишича, Мирали Ҳамроев 2018 йилдан ўринбосарликка тайинлангунига қадар Бухоро вилоят бандлик бош бошқармаси бошлиғи лавозимида ишлаб келган.
У 1983 йил Бухоро шаҳрида туғилган. Меҳнат фаолиятини 2001 йилда Бухоро шаҳар ҳокимлиги молия бўлими ҳисобхонаси ҳисобчи-тафтишчиси сифатида бошлаб, ҳокимликда турли лавозимларда фаолият кўрсатган.
2017—2018 йилларда Когон шаҳар ҳокимининг иқтисодиёт ва тадбиркорлик масалалари бўйича биринчи ўринбосари лавозимида ишлаган.
Эслатиб ўтамиз, 2017 йилдан буён Бухоро вилоят ҳокимининг ёшлар сиёсати, ижтимоий ривожлантириш ва маънавий-маърифий ишлар бўйича ўринбосари лавозимида ишлаб келган Жамол Носиров Озодбек Назарбековга биринчи ўринбосар этиб тайинланганди.
Изоҳ (0)