2020 йилнинг январь—апрель ойларида республика корхоналари томонидан 104,2 триллион сўмлик саноат маҳсулотлари ишлаб чиқарилган бўлиб, 2019 йилнинг шу даврига нисбатан саноат ишлаб чиқаришнинг физик ҳажм индекси 94,6 фоизни ташкил этди. Бу ҳақда Давлат статистика қўмитаси томонидан эълон қилинган маълумотларда сўз боради.
Таъкидланишича, саноат ишлаб чиқариш таркибида энг катта улуш ишлаб чиқарадиган саноат ҳиссасига тўғри келиб, унинг жами саноат ишлаб чиқаришдаги улуши 78,4 фоизнини ташкил этган. Жами ишлаб чиқарадиган саноат таркибида машина ва асбоб-ускуналар ишлаб чиқариш, таъмирлаш ва ўрнатиш, автотранспорт воситалари, ярим прицеплар ва бошқа тайёр буюмларни ишлаб чиқариш соҳасининг улуши — 20,3 фоизга тенг.
Маълумотларга кўра, 2019 йилнинг январь—апрель ойларида Ўзбекистонда 79 614 дона енгил автомобиль ишлаб чиқарилган бўлса, 2020 йилда ушбу кўрсаткич 96 727 донани ташкил этмоқда.
Автомобиль ишлаб чиқариш саноатида 2020 йил январь—апрель ойлари ишлаб чиқарилган автомобиллар ҳажми қуйидагича:
- Nexia Т-250 — 25 081 дона;
- Cobalt — 23 694 дона;
- Lacetti-Gentra — 17 907 дона;
- Damas — 17 561 дона;
- Spark — 10 365 дона;
- Labo — 2 119 дона.
Бироқ автомобиль двигателларини ишлаб чиқариш кўпайган. 2019 йилда 63,8 минг дона, 2020 йилда эса 77,1 дона двигатель чиқарилган. 2020 йил январь—апрель ойларида трактор ишлаб чиқариш ҳажми 456 донани ташкил этди (2019 йилда — 164).
Эслатиб ўтамиз, UzAuto Motors компанияси 9 март куни ўзи ишлаб чиқараётган (йиғаётган) енгил автомобиллар нархи модель ва модификацияга қараб 3 фоиздан 21 фоизгача оширган эди. Компания ушбу ҳолатни «нархларни қайта кўриб чиқиш қарори нархлар конюнктураси, шунингдек, ички ва ташқи бозордаги умумий макроиқтисодий вазиятнинг ўзгариши билан боғлиқ», деб изоҳлаган.
Изоҳ (0)