18 май соат 20:15 ларда Юнусобод туманидаги Аҳмад Дониш кўчасидан ўтган 600 диаметрли тоза ичимлик суви қувурида авария ҳолати кузатилди. Бу ҳақда Тошкент шаҳар ҳокимлиги хабар қилган.
Хабарга кўра, мазкур ҳудудда «Сувсоз» МЧЖ томонидан таъмирлаш ишлари бошлаб юборилган ва махсус техника иш олиб бормоқда.
Муаммо бартараф этилгунига қадар туманнинг 10, 11, 12, 13, 14, 15, 16-мавзелари ва «Кулол» МФЙ аҳолиси тоза ичимлик суви таъминотидан вақтинчалик узилиб қолган.
Айни пайтда юзага келган авария сабаблари ўрганилмоқда. Ичимлик суви таъминоти тонгги соат 06:00 да тикланади, дейилган хабарда.
Аввал 2019 йилнинг декабрь ойида «Ўзбекистон темир йўллари» компаниясининг «Метроқурилиш» корхонаси томонидан Юнусобод туманида экскаватор билан ер қазиш ишлари олиб борилаётганида Тошкент шаҳар электр тармоқлари тасарруфидаги юқори кучланишли кабелларга зарар етказилиб, авария содир бўлган ва тўққизта мавзе чироқсиз қолганди.
Изоҳ (0)